Ginkumpirma ni Dean Ralph Sarmiento nga naghingyo siya sa defense team ni Vice President Sara Duterte nga i-withdraw ang ila nga request sa pag-subpoena sa iya bilang una nga testigo sa pag-resume sang impeachment trial sa Lunes, Nobyembre 9.
Sa iya opisyal nga statement nga gin-post subong nga aga, ginpasalamatan ni Sarmiento ang defense team bangud ginkilala sang panel ang importansya sang iya mga panan-awan tuhoy sa Konstitusyon kag kasuguan nga iya ginapaambit sa iya mga content sa social media.
Matapos ang maid-id nga konsiderasyon suno sa iya, nagdesisyon siya nga indi magpartisipar bilang testigo agud mapabilin ang iya kahilwayan sa pagtuon kag paghatag sang mga panan-aw tuhoy sa constitutional law.
“After careful consideration, I have decided to decline participation as a witness in the proceedings. This is a personal decision to preserve the independence of my constitutional law scholarship and the impartiality of my legal views and opinions,” pahayag sini.
Suno pa kay Sarmiento, nakig-angot na siya sa defense team kag naghingyo nga i-withdraw ang request para sa iya subpoena ukon, kun na-isyu na ini, nga maghingyo sa impeachment court nga i-recall ukon bawion ang amo nga subpoena.
“I have already reached out to the Defense Team, asking to withdraw their request for a subpoena for my appearance or, if one has already been issued, to seek its recall by the Honorable Impeachment Court,” suno pa sa iya.
Bisan pa sini, ginpasiguro ni Sarmiento nga magapadayon siya sa paghatag sang independent kag balanse nga legal agud mabuligan ang publiko nga mas mahangpan ang Konstitusyon.
“I remain committed to contributing to public understanding of the Constitution through independent and balanced legal analysis,” dugang niya.
Matandaan nga kagab-i, ginkumpirma ni House Prosecutor Rep. Terry Ridon sa Bombo Radyo Iloilo nga si Sarmiento ang una nga ipresentar sang defense team bilang witness.
Si Sarmiento amo ang anay vice chancellor for administration sang University of St. La Salle kag isa ka law professor.
Naghingyo man ang defense team sa Senate impeachment court nga mag-isyu sang Subpoena Ad Testificandum and Duces Tecum nga naga-require kay Sarmiento nga mag-atubang kag mag-testify, kag dal-on ang iya nga curriculum vitae kag iban nga documents nga kaangot sa iya nga qualifications kag testimony.
Una na ginsiling sang prosekusyon nga ginapaabot nila nga legal kag constitutional issues nga kaangot sa impeachment ang mangin coverage sang testimoniya ni Sarmiento.
Sa kampo sang defense team, ila ginpasalig nga ipahibalo nila ang identity sang iban nga witnesses sa masunod nga mga hearing sa November 10-20 kag 23 bilang compliance sa lima ka adlaw nga notice requirement sang impeachment court.#
