Ginkumpirma ni House Prosecutor Terry Ridon sa Bombo Radyo Iloilo subong nga gab-i nga si Dean Ralph Sarmiento ang una nga ipresentar sang defense team sa pag-resume sang impeachment trial ni Vice President Sara Duterte sa Lunes, Nobyembre 9.
“Ang latest update, ngayon pa lang ibe-break sa Bombo Radyo Iloilo, yung defense magsasalang ng witness sa darating na Monday sa pangalan ni Dean Ralph Sarmiento ng Negros,” suno kay Ridon.
Pahayag sini, ginapaabot nila nga legal kag constitutional issues nga kaangot sa impeachment ang mangin coverage sang testimoniya ni Sarmiento.
Si Sarmiento amo ang anay vice chancellor for administration sang University of St. La Salle kag isa ka law professor.
Pahayag ni Ridon, nalantaw kag nabatian man nila ang mga opinyon ni Sarmiento kaangot sa impeachment issues paagi sa iya mga content nga gina-post sa social media, gani nga indi na mabudlayan ang prosecution sa pag-cross examine.
“Syempre isasalang nila si Dean Sarmiento sa darating na Lunes. Ang pagtingin lang po namin diyan, parang yun na ba ang best nila? Diyan po sa constitutional experts. Hindi ho ba? Parang dean-vlogger ang isasalang nila,” suno kay Ridon.
Ginpahayag sini nga ang katumbas ukon katapat ni Dean Sarmiento sa presentasyon sang witnesses sang prosekusyon amo si retired Sandiganbayan Presiding Justice Amparo Cabotaje-Tang nga amo ang una nga witness sang prosecution sa Article II sang Articles of Impeachment ukon sa alleged unexplained wealth.
“Pagtatapatin mo yung dating presiding justice sa isang law dean-vlogger, parang hindi ata magkatapat yun,” suno pa kay Ridon.
Nagpamalibad naman ini nga hingadlan kun sin-o nga abogado ang igabutang sang House Prosecution panel para sa cross-examination bangud ginadiskusyunan pa ini sang team.
Nahibaluan nga naghingyo ang defense team sa Senate impeachment court nga mag-isyu sang subpoena nga naga-require kay Sarmiento nga mag-atubang kag mag-testify, kag dal-on ang iya nga curriculum vitae kag iban nga documents nga kaangot sa iya nga qualifications kag testimony.
