Ginplastar ni 2nd District of Iloilo Representative Kathryn Joyce Gorriceta ang tatlo ka nagapanguna nga mga rason kun ngaa dapat himuon ang Sta. Barbara bilang capital town sang Iloilo.
May kaangtanan ini sa gin-file niya nga hagna sa Kamara nga nagahandom nga idesignar ang Santa Barbara bilang provincial capital nga ginalauman niya nga maaprubahan sang Kongreso sa pagtakop sang 2026 ukon sa una nga bahin sang 2027.
Suno kay Rep. Gorriceta, Ang Sta. Barbara may yara sang history, sports kag tourism.
Pahayag ni Gorriceta, tuman ka maragtason ang banwa bangud diri ginwagayway ang hayahay sang Pilipinas sa una nga kahigayunan sa gwa sang Luzon sang Nobyembre 17, 1898.
Suno sa iya, bugal man sang Sta. Barbara nga sa ila banwa nahamtang ang oldest golf course sa bug-os nga Southeast Asia nga padulungan sang ginatos nga mga golfers sa
patigayunon nga 24th Bamboo Tee Golf Tournament sa Nobyembre 12 tubtob 15.
Ini nga kahiwatan ang magatanyag man sa mga bisita nga maglagaw sa mga historical landmarks, cultural attractions, kag culinary offerings bilang kabahin sang pagpasanyog sang turismo sang banwa.
Nahibaluan nga suportado ni Iloilo Gov. Arthur Defensor Jr. ang amo nga hagna nga gin-file ni Gorriceta nga una naman nga ginhatagan sang pormal nga suporta sang banwa paagi sa isa ka resolusyon.
