Ginalantaw nga magapabilin sa masobra 8% ang inflation rate sa Pilipinas tubtob sa katapusan sang 2026.
Suno sa economics experts, ang pagtaas ang bangud sa padayon nga pagsaka sang presyo sang produktong petrolyo sa world market, nga nagresulta man sa pagsaka sang presyo sang gasolina kag pamasahe.
Lakip pa sa pagtaas sang inflation ang pagtaas sang presyo sang bugas kag iban pa nga pagkaon, pati na ang pagnubo sang value sang piso kontra dolyar.
Pahayag pa, posible nga magsaka sa 8.4% ang inflation rate sa Oktubre, halin sa 7.2% sang Setyembre.
Ini na ang ikaduha nga sunod nga bulan nga pagtaas ang inflation rate sa pungsod.
Bangud sa ginapaabot nga padayon nga pagsaka sang inflation, nagpatuman ang Bangko Sentral ng Pilipinas (BSP) sang dugang nga 50 basis points nga increase sa interest rates sang Oktubre bilang tikang agud makontrol ang pagsaka sang presyo.
Dugang pa, posible nga magpatuman pa ang BSP sang duha ka dugang nga rate hikes, isa sa Disyembre kag isa naman sa first quarter sang 2027.
