Pabor si Agriculture Secretary Francisco P. Tiu Laurel Jr. nga ipaidalom ang bug-os nga pungsod sa State of Calamity agud mas mapadasig ang paggamit sang pondo kag paghatag sa mga kinahanglanon sang publiko subong nga mas nagalala ang epekto sang El Niño phenomenon.
Matapos ini nga padayun nga ginaduso ni Sen. Francis “Kiko” Pangilinan bangud sa nangin paandam sang Philippine Atmospheric, Geophysical and Astronomical Services Administration (PAGASA) nga posible gid nga maglab-ot sa “Super El Niño” ukon tuman ka init nga tyempo ang maeksperyensyahan sa pungsod.
Suno sa tiglikom, dapat gilayon nga magdesisyon ang mga awtoridad, subong nga wala pa sang Malala nga epekto sa agricultural products, sa palangabuhian sang mga mangunguma, kag sa suplay sang mga pagkaun.
Nahibaluan nga ginabulubanta sang Department of Agriculture nga maglab-ot sa 4.6 ka mga mangunguma kag manugpangisda ang maapektuhan sang phenomenon nga makaapekti gid sa produksyon sang humay kag iban pa nga mga produkto.
