Kinamatarong bilang isa ka Pilipino.
Ini ang nangin sabat ni 1st District Davao City Rep. Pulong Duterte matapos nga ginkwestyon ni Mamamayang Liberal Party-list Rep. Leila de Lima ang kaso nga ginpasaka sang kongresista kaangay sang libel kag cyber libel sa pila ka mga executive kag media personalities sang isa ka TV Network.
Suno kay Duterte, wala niya gina-atake ang press freedom kasunod sang iya reklamo sa pila ka journalist, kun indi isa lang niya ini ka kinamatarong bilang isa ka Pilipino sa ginahaboy sa ila pamilya nga mga akusasyon.
Pahayag man sang Kongresista, apisar sang ginatawag freedom of expression, may responsibilidad man ang mga media personnel sa pagsapubliko sang insakto nga impormasyon ukon balita.
Komento nya pa kay De Lima, magpabilin na lang ini sa sulod sang Kamara kag “magpa-cute-cute.”
Nahibaluan nga lakip man sa ginpasakaan sang reklamo sanday National Bureau of Investigation Director Melvin Matibag, dismissed policeman Rodulfo Gracioso Jr., kag pila pa ka mga indibidwal sang Davao City Hall of Justice.
