Mangin sentro sang ikaduha nga State of the City Address (SOCA) ni Iloilo City Mayor Raisa Treñas ang 45 ka programa sa idalom sang Rise-To-Action Framework kag ang benepisyo sini sa kabuhi sang mga Ilonggo.
Pagahiwaton ang SOCA 2026 sang alkalde sa Ker & Co. Building, ala-1:30 sang hapon sa Lunes, Oktubre 26.
Suno kay Joy Fantilaga-Gorzal, spokesperson ni Mayor Raisa Treñas, lakip sa SOCA ang pag-report ni Mayor Trenas sang mga programa kag accomplishment sang iya administrasyon, lakip ang mga inisyatibo sa palangabuhian kag trabaho, social services, ikaayong-lawas, edukasyon, palibot, peace and order, kag imprastraktura.
Halin sa 42 ka programa, ginpasangkad sa 45 ang Rise-To-Action Framework agud masabat ang nagkalain-lain nga kinahanglanon sang komunidad.
Pahayag pa niya, iga-highlight man ang mga award kag pagkilala nga nabaton sang siyudad, apang ginapunto sang administrasyon nga indi lamang ini ang talaksan sang kadalag-an, kundi ang kaayuhan nga naagom sang mga pumuluyo paagi sa mas maayo nga serbisyo kag mas madamo nga oportunidad.
Dugang pa ni Gorzal, paagi sa SOCA, iga-presentar man ni Mayor Treñas ang mga nahimo sang iya administrasyon kag ang mga plano sini para sa mas inclusive kag mas progressive nga Iloilo City para sa nga kamayuhan sang kada Ilonggo.
