Ginalantaw sang Energy Regulatory Commission ukon ERC nga posible magsaka ang balaydan sa kuryente bangud sa paghina sang peso kontra dolyar.
Nahibalaun nga nagsarurot pa gid sa panibag-o nga all-time low ang baylo sang piso kontra dolyar kun sa diin una nga kahigayunan sa kasaysayan nga naglapaw na sa masobra P64 ang baylo sang isa ka dolyar.
Suno kay ERC, daku ang epekto sini sa generation charge ukon bayad sa paghimo sang kuryente bangud mas mahal ang pagbakal sang gasolina nga amo ang ginagamit sa mga planta.
Samtang, ginpaathag man sang komisyon nga indi pa gilayon maapektuhan ang distribution charge bangud kinahanglan pa ini sang proseso sang pagpatuman sang bag-o nga rate.
Pahayag pa, nagapangita man ang komisyon sang iban nga paagi agud mapunggan ang daku nga pagsaka sang balaydan sa kuryente lakip ang pagpatuman sang secondary price cap sa tagsa ka rehiyon kag ang temporaryo nga pag-surrender sa reserve market, nga isa man sa mga rason sang mataas nga balaydan.
Apang, ginpunto man sang ERC nga bisan madamo na sang tikang nga ginhimo, kaangay nga indi sa gihapon ini bastante agud malikawan ang pagsaka sang balaydan sang mga konsumidor.
