Preparado ang Armed Forces of the Philippines (AFP) sa paghatag sang ila suporta sa Philippine National Police sa pag-aresto kay Senator Bato Dela Rosa.
Ini ang nangin pasalig ni AFP spokesperson Col. Francel Margareth Padilla.
“Kapag po mayroon pong request to our end, then, tumutugon naman po tayo diyan,” suno sa iya.
Ginpakigbahin man niya nga kabahin sa ila mahatag nga bulig sa mga awtoridad amo ang intelligence-gathering kag ang operational assistance kun sa diin magadepende man sa kun ano pa ang mangin kinahanglanon sa mangin operasyon sang law enforcement.
Madumduman nga ginakabig bilang co-perpetrator si Senator Bato sa ginapahayag crimes against humanity si former President Rodrigo Duterte nga nagapabilin subong sa International Criminal Court detention center sa The Hague, Netherlands.
Si Bato man ang padayun subong nga ginapangita kun sa diin magahatag na sang padya nga P50 Million ang DILG kag PNP sa makahatag sang impormasyon may kaangtanan sa nasambit nga senador.
