Ginpanindugan ni Akbayan Party-list Rep. Perci Cedaña nga insakto ang desisyon sang House prosecution panel nga isentro ang atensyon sa “unexplained wealth” sa impeachment trial ni Vice President Sara Duterte.
Ini kasunod sang pag-withdraw sang prosekusyon sang tatlo sa apat ka artikulo batok sa bise president nga amo ang bribery, confidential funds, kag grave threats.
Suno kay Cendaña, ini ang pinakaklaro kag pinakamadasig nga mahangpan sang publiko sa baylo sang iban pa nga mga reklamo nga una nalakip sa impeachment case.
Apang, gin-athag niya nga indi buot-silingon nga luwas na si VP Duterte sa iban pa nga mga alegasyon bangud wala na ini nalakip sa impeachment case.
Maga-resume ang impeachment trial sa Nobyembre 9 kun sa diin ipresentar na sang depensa ang ila mga testigo kag mga ebidensiya.
