Iloilo City Adminsitrator Atty. Hernando Galvez
ILOILO CITY – Ginpanindugan ni Iloilo City Administrator Atty. Hernando Galvez nga wala sang may nagakatabo nga imoralidad kabaylo sang promotion ukon job order sa Iloilo City Hall.
Ini ang may kaangtanan sa nauna nga pahayag ni Iloilo City Lone District Congressman kag Mayor Elect Jerry Treñas nga may yara sang nagakatabo nga imoralidad bag-o pahanugutan ang promotion ukon bag-o batunon sa trabaho ang mga empleyado kag job hire.
Sa interview sang Bombo Radyo kay Atty. Galvez, iya ginpahayag nga wala siya makahibalo tuhoy sa nasambit nga kontrobersiya.
Mas makapaayo suno kay Atty. Galvez nga pamatud-an sang mga may ihibalo sa nasambit nga kontrobersiya.
Magluwas diri, ginpahayag man sang City Administrator nga makakilibot ang nasambit nga isyu nga makabig nga kutos-kutso.
Ginpahayag ni Galvez nga malayo nga may imoralidad nga nagakatabo bangud nga indi man mahimo nga madaya ang credentials sang aplikante.
Yari ang nauna nga pahayag ni Cong. Treñas:
Samtang, yari naman ang sabat ni Atty. Galvez:
