ILOILO CITY – Tinguhaan sang Ilongga Beauty Queen nga si Ruffa Nava nga itiglawas ang Pilipinas sa Ambassador and Ambassadress of the World-Philippines 2019.
Sa interview sang Bombo Radyo kay Ruffa Nava, 26, sang Iloilo City, iya ginpahayag nga 20 ka mga lalaki kag 20 ka babayi ang magapakigbahin sa nasambit nga pageant.
Ginpahayag ni Nava nga ang coronation night ang patigayunon sa Hunyo 22 sa Metro Manila.
Tatlo ka babayi kag tatlo man ka lalaki suno kay Nava ang magadaug sang titulo nga mahimo nga magtiglawas sa Pilipinas sa International pageants.
Ang Ambassador and Ambassadress of the World-Philippines 2019 suno kay Nava ang kombinasyon sang pageant kag modelling.
Kadungan sini, ginbalikan man sang natungdan ang iya gin-agyan sa iya modelling career bag-o nakasulod sa pageantry.
Sa pihak sang kabudlay nga iya naagyan, ginpahayag sang 26 anyos nga Beauty Queen nga tinguhaan niya nga makahatag sang dungog sa syudad sang Iloilo.
Sa subong suno sa natungdan, masako na siya pagpanghanda kag ginatutukan ang Question and Answer Portion.
Nahibalu-an nga si Nava ang masami na nagapakigbahin sa mga beauty pagent kasubong na lang sang Miss Iloilo Dinagyang, Binibining Pilipinas kag Supermodel International.
