Nagpasundayag sang ila talento ang pila sa kilala nga Filipino artists sa closing ceremony sang 49th ASEAN Summit paagi sa isa ka cultural presentation.

Gin-umpisahan ni Filipina singer Julie Anne San Jose ang programa paagi sa pagkanta sang ‘A Sky Full of Stars’ sang Coldplay.

Ginsundan naman ini sang beterano nga singer nga si Gary Valenciano nga nagkanta sang ‘Love in Any Language’, nga orihinal nga ginrekord sang American Christian singer nga si Sandi Patty.

Naghatag man sang kusog nga performance ang Grammy-nominated group nga SB19 paagi sa ila hit song nga ‘Gento’.

Sa katapusan sang programa, naghiusa ang mga performers, lakip sanday Julie Anne kag Gary V, sa pagkanta sang ‘Together in Motion’.