Ginpanindugan sang Manila Police District (MPD) nga wala sang sala ang ila pag-aresto sa siyam ka mga indibidwal nga kabahin sang mga nagprotesta sa Maynila halin kahapon, Nobyembre 15 tubtob subong nga adlaw, Nobyembre 16.
Suno kay MPD spokesperson Police Major Philipp Ines, nagpatuman lamang sang layi ang mga pulis sang gin-aresto nila ang mga raliyista matapos magluntad ang tensyon.
Ginpunto niya nga nagapatuman ang kapulisan sang maximum tolerance, apang may yara ini sang limitasyon ilabi na kun may ara na sang pagpanakit, pagpangguba kag paglapas sa layi.
Nahibaluan nga nagluntad ang tensyon matapos nga tuyo sang progresibo nga mga grupo nga magmartsa pakadto sa Philippine International Convention Center (PICC), kun sa diin ginahiwat ang 49th Association of Southeast Asian Nations (ASEAN) Summit.
Nahibaluan man nga ginkondenar sang Bagong Alyansang Makabayan (BAYAN) ang ginatawag sini nga ‘police brutality’ sa natabo nga protesta kag gin-akusaran ang mga pulis sang indi makatarunganon nga pag-aresto.














