Target nga makasulod sang Gilas Women sa top four sang 2027 FIBA Women’s Asia Cup
Suno kay Samahang Basketbol ng Pilipinas Executive Director Erika Dy, importante ang nga torneo bilang isa ka tikang sang team padulong sa ila handum nga malakip sa 2028 Los Angeles Olympics.
Nahibaluan nga kinahanglan makasulod ang national team sa semifinals agud makakuha sang slot sa Olympic Qualifying Tournaments.
Ang amo nga qualifying tournaments pagasudlan sang 16 ka national team nga magapa-indis-indis sa apat ka separado nga torneo.
Samtang, 12 lamang ka koponan ang magapartisipar sa women’s basketball competition sa 2028 Los Angeles Olympics.
Ginpunto man ni Dy ang importansya sang maayo nga home court agud malab-ot sang Gilas Women ang ila handum nga makasulod sa Olympic qualifiers.














