Pormal na nga ginpakilala sang Samahang Basketbol ng Pilipinas kag University Athletic Association of the Philippines ang bag-o nga pangalan sang Philippine women’s national basketball team nga pagatawgon nga Gilas Hiraya.
Halin ini sa tinaga nga Filipino nga “Hiraya” nga nagasimbolo sang mga handom kag paglaom.
Katuyuan sini makahimo sang kaugalingon nga kasaysayan sa patag sang basketball.
Ginpunto man sang University Athletic Association of the Philippines ang importansya sang pagpasangkad sang ikasarang kag maayo nga karakter sang mga girl athlete paagi sa sports.
Madumduman nga kilala anay ang koponan bilang Perlas Pilipinas halin 2005 tubtob 2019 antes ini gin-ilisan sang Gilas Pilipinas Women.
Sa karon, naka-focus ang Gilas Hiraya sa paghanda para sa FIBA Women’s Asia Cup 2027 nga pagahiwaton sa Cebu City halin Hulyo 10 tubtob 18, 2027.
