Nangin kaupod na sang isa ka manunudlo halin sa Olobarroc, Tigbauan, Iloilo ang iya manghod sa pagdonar sang dugo sa Dugong Bombo 2026.
Sa interview sang Bombo Radyo kay Dave Torraneo, iya ginpahayag nga gin-engganyo niya ang iya utod nga si nga Deovel Torraneo nga subong nangin kaupod niya sa magdonar sang dugo bangud sang manami nga epekto sa iya ikaayong lawas.
Suno man sa iya, ikaduwa na ini sang iya utod nga magdonar sang dugo samtang kay Torraneo, gin-umpisahan niya magdonar sang 2019 apang nag-untat sang tion sang pandemic kag nagpadayon sang 2022.
Ginalauman sang maestro nga sa sunod nga Dugong Bombo, makaupod na ang iya pamilya sa pagdonar sang dugo para sa mga pumuluyo nga nagakinahanglan sang dugo.
