Napadala na sang senado ang mga subpoena para sa mga testigo nga ginpangalanan sang defense team ni Vice President Sara Duterte bilang paghanda sa pagpadayon sang impeachment trial sa Nobyembre 19 kag 20.
Ini ginkumpirma ni Senate Secretary Renato Bantug nga napadala na electronically ang mga subpoena sa mga testigo nga ginalauman nga ipaatubang sa hearing.
Paagi sa subpoena, pormal na nga ginapatawag ang mga nasambit nga testigo agud ipaatubang sa senado kag ihatag sa ila ang testimonya kaangot sa mga isyu nga ginatalakay sa impeachment proceedings.
Matandaan nga una na nga ginsiling ni Defense Counsel Spokesperson Michael Poa nga walo tubtob 10 ka testigo ang ila plano nga ipaatubang sa trial agud nga ipresentar ang bahin sang Bise Presidente.
Kabahin ini sa pagpresentar sang depensa sang ila nga ebidensya bilang sabat sa mga alegasyon nga ginahaboy kay Duterte kaangot sa iya nga unexplained wealth.
Naakatalana nga magapadayon ang impeachment trial sa Senado sa sa Huwebes kag Biyernes, Nobyembre 19 kag 20, kun sa diin ginalauman nga pagaumpisahan sang depensa ang pagpatubang sang ila dugang nga mga testigo.












