ILOILO CITY – Wala sang ihibalo si Iloilo City Mayor Jose Espinosa III tuhoy sa ginapahayag imoralidad nga ginahimu sang pila ka department heads sa Iloilo City Hall.
Sa interview sang Bombo Radyo kay Mayor Espinosa, wala siya sang ihibalo kun bala matuod ang nasambit nga isyu.
Ginpahayag man ni Mayor Espinosa nga kun matuod gid man ang nasambit nga akusasyon, nagakadapat nga ang mga tiayon ukon bana sang mga naangot nga department heads ang magpasaka sang nagakaigo nga kaso.
Ginpahayag man sang alkalde nga makabig na nga private crime ang ginapahayag imoralidad nga ginahimu sang mga department head kabaylo sang promotion kag pagbaton sang ‘application’ sang mga empleyado kag job hire sa Iloilo City Hall.
