ILOILO CITY – Magapatigayon sang fun run ang Alumni Scholar’s Association sang Jaro Archdioceasan Social Action Center (JASAC).
Sa interview sang Bombo Radyo kay Renzo John Ganancial, isa sa mga scholar sang JASAC, iya ginpahayag nga ang ‘color run for a cause’ ang may katuyu-an nga makatipon sang pondo agud nga makabulig sa mga pigado apang maalam nga mga estudyante nga maluyag mag-eskwela.
Ginpahayag ni Ganancial nga ang nasambit nga aktibidad ang patigayunon sa Hulyo 14 sa Iloilo Esplanade kag maga-umpisa 5:00 sang aga.
Bag-o kag pagkatapos sang fun run, may yara sang zumba nga patigayunon sa pagpanguna sang mga zumba instructors.
Magluwas sa registration, may yara man sang igabaligya nga official merchandise para sa mga may luyag nga magbakal.
Para naman sa mga maluyag magdonar, mahimo nga magpakig-angot sa talatapan sang JASAC sa Jaro Cathedral compund sa Jaro, Iloilo City.
