ILOILO CITY – Nagakadapat nga gamiton sa husto ang social media agud nga makabulig sa isig ka tawo.
Ini ang panugyan sang isa ka student leader kag social media influencer.
Sa interview sang Bombo Radyo kay JM Dela Cena, 1st year Communication student sang University of San Agustin, iya ginpahayag nga humalin sang elementary, siya ang aktibo na sa mga school activities nga iya naman nga nadala tubtub sa kolehiyo.
Suno kay Dela Cena, nakabulig sa pagpasangkad sang iya ihibalo kag ikasangkol ang iya pagpakigbahin sa school activities.
Magluwas diri, ginakampanya man ni Dela Cena ang tuhoy sa Mental Health kag HIV awareness kag amo man ang tuhoy sa Dengue outbreak.
Kadungan sang pagmoderno sang teknolohiya, ginpahayag ni Dela Cena nga
iya nga ginagamit ang social media agud nga ipahangop sa tanan ang iya kampanya kag mangin inspirasyon sa mga pamatan-on.
Ginpahayag sang natungdan nga isa ka maayo nga palaagyan ang social media sa pagpaalinton kag pagpahangop sa publiko apang nagakadapat nga ang mga ‘relevant issues’ ang dapat nga i-post online.
