ILOILO – Gingamit sang isa ka estudyante ang iya talento sa pagsaot agud nga makabulig sa iya pamilya.
Sa interview sang Bombo Radyo kay Ferlyn Mae Arda, 17, sang Oton, Iloilo, iya ginpahayag nga ang iya iloy ang nag-engganyo sa iya sa pagsaot.
Suno kay Arda, humalin sang siya ang elementarya pa lang, masami na siya nga nagapakigbahin sa mga dance contest.
Ginpahayag ni Arda nga paagi sa pagsaot, naka-angkon siya sang self confidence kag naka-angkon sang madamu nga abyan.
Magluwas sa personality development, ginpahayag sang natungdan nga ang pagsaot ang naghatag sa iya sang extra income.
Daku suno kay Arda ang nabulig sa pinansyal nga aspeto ilabi na sang tion nga nagpamigado ang iya amay nga isa ka Overseas Filipino Worker sa Saudi.
Sa pihak sang kabudlay, ginpahayag ni Arda nga ang iya pagpalangga sa pagsaot ang nagatulod sa iya agud nga magpadayon.
