ILOILO CITY- Nagaplano si Iloilo City Mayor Jerry Treñas nga istoryahon ang MORE Electric and Power Corporation kag ang Panay Electric Company.
Ini ang tuhoy sa pagpagyuwa sang desisyon sang Regional Trial Court Branch 37 sa idalom ni Judge Yvette Go sang writ of possession nga nagahatag sang kinamatarung sa MORE Power nga kuhaon ang assets sang PECO.
Sa interview sang Bombo Radyo kay Treñas, iya ginpahayag nga ang iya tinutuyo amo ang mapasigurado nga indi maapektuhan sang legal battle sang duha ka mga electric companies ang serbisyo nga ginahatag sa mga pumuluyo.
Suno kay Treñas, igapatawag niya ang mga tiglawas sang duha ka kompaniya sa isa ka pagsinapol.
Magapakig-angot man ang alkalde kay Iloilo City Police Office Director Police Colonel Martin Defensor Jr. para sa seguridad sa tion sang pagsinpaol agud malikawan ang posible pagluntad sang kinagamo.
