ILOILO CITY – Ginmandu na Iloilo City Mayor Jerry Treñas ang “no cellphone usage” sa tanan nga empleyado sa tion sang duty hours sa Iloilo City Hall.
Ini ang kasunod sang ginpatigayon sang surprise inspection sang mga tiglawas sang Civil Service Commission kun sa diin pila ka violations ang nakita.
Sa atubang sang mga empleyado sang Iloilo City Hall, ginplastar ni Treñas ang violations nga nakita sang mga tiglawas sang Civil Service Commission kasubong sang security guard nga naaktuhan pa nga nagalantaw sang volleyball game sa iya cellphone samtang naga duty.
Magluwas sa security guard, may pila man ka mga empleyado nga naaktuhan nga nagagamit sang cellphone kag wala nagasuksuk sang Indentification Card.
Ginpahayag ni Treñas nga kun tani, likawan sang tanan nga empleyado sang Iloilo City Hall nga maghimo sang violations santo sa ginmandu sang Civil Service Commission.
Ang nasambit naman nga pahayag sang alkalde ang ginkakibot sang mga empleyado sang Iloilo City Hall.
