DUEÑAS ILOILO- Desidido ang Dueñas Municipal Police Station, nga dayunon ang pagpasaka sang kaso nga rape sa mga menor de edad nga responsbale sa pagpanghimulos sa isa ka 16 anyos nga dalagita sa banwa sang Duenas .
Sa interview sang Bombo Radyo kay Police Corporal Juwanes Amparan, sang Women and Children Protection Desk sang nasambit nga Police Station, iya ginpahayag nga ipasaka nila ang kaso sa tion nga handa na ang biktima nga si Alyas Den-den bangud sa subong yara pa ini sa state of trauma.
Suno kay Amparan gin-ako sang isa ka menor de edad nga nagapanag-iya sang balay, nga upod sila nag-inom sang biktima bangud wala man sang iban nga tawo sa ila balay.
Ginklaro man niya nga isa palang tubtob subong ang boluntaryo nga nagsurrender.
Padayun naman nga ginapangita ang apat ka iban pa nga suspek kag nagalaum sila nga boluntaryo nalang nga magsurrender ang mga ini.
