ILOILO CITY– Ginaplanuhan sang Iloilo Provincial Government nga madugangan ang mga personnel kag bed capacity sang 13 ka mga district hospitals sa probinsya sang Iloilo.
Sa interview sang Bombo Radyo kay Governor Athur “Toto” Defensor Jr., iya ginpahayag nga iya ginatan-aw nga madala sa 2020 budget sang probinsya ang pag-expand sang bed capacity sa tagsa ka mga district hospitals.
Suno kay Defensor, tuman ka gamay ang kapasidad sang mga hospitals sa probinsya, sa tion nga magdamo ang pasyente.
Magluwas sa bed capacity, ginakonsiderar man ang dugang nga mga personnel.
Kinahanglan man tan-awun suno kay Defensor ang sustainability sang pagpataas sang level sang mga hospitals lakip na ang budget.
Tuman gid ka kulang ang kapasidad sang mga hospitals kag ini ang ginatinguhaan sang Provincial Government lakip na ang pagrenovate sang mga hospital.
