ILOILO CITY– Wala pa nakalab-ot sa igtalupangod sang Department of Education Region 6 ang tuhoy sa ginapahayag recruitent sang rebelde nga grupo sa mga estudyante sa nabukid nga eskwelahan sa probinsya sang Iloilo.
Sa interview sang Bombo Radyo kay Dr. Victor De Gracia, Asst. Director sang DepEd Region 6, iya ginpahayag nga, wala pa sang report nga nakalab-ot sa iya tuhoy sa nasambit nga buluhaton sang mga rebelde.
Suno kay De Gracia, hatagan niya sang direktiba ang mga school heads sa pagmonitor sang mga estudyante.
Pahayag pa niya, ginadiscourage nila ang mga kabataan nga magsulod sa rebelde nga grupo.
Nagakadapat man suno kay De Gracia nga dapat magtuon sang maayo ang mga kabataan, binag-binagun ang tagsa ka butang kag indi magpadala sa mga maayo nga ginapanghambal sang nagapanghaylo nga mga rebelde.
Nahibaluan nga gintuad sang Philippine Army, nga hugot ang ila ginapatigayun nga monitoring sa lima ka mga kabanwahanan sa probinsya
sang Iloilo, bangud sa madata nga recruitment sa mga kabataan nga yara sa high school.
