ILOILO CITY– Nabatun na sang Office of the City Mayor kag sang Association of Barangay Captains ang sulat nga ginpadala sang Task Force Kasanag.
Ini ang may kaangtanan sa isyu sa Material Recovery Facility bilang pagsunod sa Solid Waste Management Act.
Sa interview sang Bombo Radyo kay anay Iloilo City Councilor kag sa subong Legal Counsel sang Task Force Kasanag Atty. Joshua Alim, iya ginpahayag nga ginpahanumdum na sang Commission On Audit ang duha ka talatapan tuhoy sa ila katungdanan.
Suno kay Alim, nakadepende na sa mga natungdan ang pagtuman sa Solid Waste Management Act.
Ang Task Force Kasanag naman suno kay Alim ang handa nga magbulig sa mga opisyal pinaagi sa pagpahanumdum sa ila.
Para sa mga non-compliant, wala na sila sang mahimo suno kay Alim kundi ang dal-on ang concerns sa Office of the Ombudsman.
