ILOILO CITY– Nakadihon na sang plano ang Iloilo City Government kag ang Liga ng mga Barangay may kaangtanan sa problema sa Material Recovery Facility.
Sa interview sang Bombo Radyo kay Liga ng mga Barangay President kag ex- officio member Irene Ong, iya ginpahayag nga magapatigayun sila sang pagsinapol kaupod si Iloilo City Mayor Jerry Treñas para sa nasambit nga proyekto.
Suno kay Ong, magapatindog sila sang Material Recovery Facility sa tagsa ka distrito agud matuman ang layi tuhoy sa Solid Waste Management.
Ginpahayag ni Ong nga indi tanan nga barangay ang may yara sang mahimo pahamtangan sang pasilidad rason nga ila naisipan ang nasambit nga solusyon.
