ILOILO CITY- Ginpatawag ni Iloilo Governor Arthur Defensor Jr. ang tanan nga department heads sa Iloilo Provincial Capitol agud makahimo sang simple kag practical nga disaster protocol sa tion nga may kalamidad.
Sa interview sang Bombo Radyo kay Defensor, iya ginpahayag nga kun may matabo nga kalamidad, nagakadapat nga handa na ang tanan agud gilayun nga makabulig sa mga apektado.
Suno kay Defensor, indi niya gusto nga hulaton pa ang bagyo ukon kalamidad antes maghimo sang lihok bilang pagpanghanda.
Sa relief operations, nagakadapat nga subong, umpisahan na ang pagbakal sang mga kinahanglanon agud nakahanda na ang tanan bangud isa ini ka madugay nga proseso.
Nagakadapat man suno sa iya nga handa na ang mga salakyan, rescue kag tanan nga mga kinahanglanon agud mangin organisado kag alisto sa kun ano man ang mahimo matabo.
