MIAGAO, ILOILO-Nagpaathag ang alkalde sang Miagao Iloilo kun ngaa low compliance ang banwa sang Miagao sa road clearing operations.
Sa interview sang Bombo Radyo Iloilo Mayor Macario Napulan, iya ginpahayag nga antes paman ang mando ni Presidente Duterte nga road clearing operations, nagpatigayun na sila sang pagpanghawan sa palibot sang banwa.
Suno kay Napulan, natabuan gid nga market day sa banwa sang Miagao sang nagpatigayun man sang evaluation ang department of Interior and Local Government, rason nga madamo sang naga on road parking.
Gin-ako man niya sadto may problema sila sa trapiko apang natigayun na nga masolusyunan.
Sa subong suno sa natungdan, 90% na ang compliance sang banwa sang Miagao sa road clearing operations.
