SARA, ILOILO– Hustisya sa gihapon ang luyag maangkon sang pamilya sang lalaki, nga ginluthang patay sang katapo sang 2nd Mobile Force Company sa isa ka check point operations, sa Zerrudo Sara Iloilo
Sa interview sang Bombo Radyo kay Adonis Hontiveros Sr. iya ginpahayag nga indi sila magpa-areglo sa bisan sin-o, bangud luyag nila hatagan sang hustisya ang kamatayon sang iya anak nga si Adonis Hontiveros Jr.
Suno sa amay nga Hontiveros, mabuot ang iya anak kag tubtob subong indi siya makapati sa natabo.
Wala man sila nagapati suno sa iya, nga may kapasidad nga magbato sa otoridad ang iya anak.
Kun buhi pa kuntani ang iya anak suno kay Hontiveros, makabulig pa ini sa ila pagpangabuhi.
Indi naman niya mapatawad suno sa natungdan, ang ginhimo sang kapulisan sa iya anak.
