ILOILO CITY– Nagahatag sang mental Health Program ang Department of Health nga makabulig sa mga may problema kag may yara sang depresyon.
Sa interview sang Bombo Radyo kay Dr. Marilyn Convocar, Regional Director sang Department of Health, iya ginpahayag nga nagakadapat ini nga istoryahan kaupod ang mga local Government Unit kag mga eskwelahan, agud matapna na ang kaso sang pagpanginmatay.
Suno kay Convocar, indi nila mahimo ini tanan kag nagakinahanglan sila sang kooperasyon sang iban nga mga ahensya.
Indi lang health related ang isyu suno san iya, kundi pati man sa patag sang paghigugma kag sa pamilya.
Dapat man suno sa natungdan, nga analisahun kun ano ang nanari-sari nga rason sang pagpanginmatay, agud makahimo sang nagakaigo nga tikang.
