ILOILO CITY– Magahatag sang padya si Iloilo City Mayor Jerry Treñas sa mga makasugid kun sin-o ang nagapang-guba sang tanom sa Iloilo River Esplanade.
Sa Interview sang Bombo Radyo kay Treñas, iya ginpahayag nga magahatag siya sang P50,000 sa kun sin-o man ang makasugid kun sin-o ang nagapangguba sang tanom .
Suno kay Treñas sang nakaligad nga semana, ginpanggabot man ang tanom, apang nagpakitluoy ang nadakpan nga indi lang siya pag-ipareso.
Pahayag pa ni Treñas ipareso ang sin-o man nga madakpan nga nagapang-guba sang tanom.
Nagapangabay ang alkalde nga halungan ang mga tanum bangud luyag sang Iloilo City Government nga magnami ang palibot sang syudad.
