ILOILO CITY– Wala nadala ang syudad sang Iloilo sa listahan sang mga makabatun sang seal of good local governance.
Sa interview sang Bombo Radyo kay City Department of the Interior and Local Government Officer Mr. Roy Defiño, iya ginpahayag nga wala na meet sang nakaligad nga administrasyon ang pila ka mga requirements ukon kondisyon, agud makakuha sang nasambit nga award.
Suno kay Defiño, lakip sa mga kondisyon nga wala nasunod amo ang husto nga paggamit sang pondo para sa disaster preparedness.
Pahayag pa ni Defiño, nagpadala man sang sulat kay Iloilo City Mayor Jerry Treñas ang DILG Regional Director nga si Engr. Ariel Iglesia, agud ipaathag sa alkalde kun ngaa wala nadala sa nasambit nga award ang syudad sang Iloilo.
