PASSI CITY, ILOILO-Natigayun na ang ground breaking ceremony sang pagatukuron nga sanitary landfill sa Barangay Aglalana Passi City Iloilo.
Sa interview sang Bombo Radyo kay Passi City Mayor Stephen Palmares, iya ginpahayag nga nagabalor sang halos P308 million pesos ang sanitary landfill nga pagatukuron nga magacover naman sang 22 hectares.
Suno kay Palmares, sarang ini maka-akomodar sang 28 ka mga banwa lakip na mismo ang syudad sang Passi.
Pahayag pa niya, state of the art ang pagatukuron nga sanitary landfill bangud 200 tons ang ma-accomdate sini nga basura.
Nagpasalamat naman siya sa Isabel Paderes Merkado Construction lakip na ang city government sang Passi nga nagbulig agud matukod ang state of the art sanitary landfill nga dako ang mabulig s amga kabanwahanan.
