ILOILO CITY- Wala pa nakareport sa Regional Personnel Holding Accounting Unit ang isa ka pulis nga nagpositibo sa iligal nga droga.
Ang nasambit nga pulis ang ginkilala nga si Police Corporal Joey Silao nga na assign sa Moises Padilla Police Station sa Negros Police Provincial Office. Sa interview sang Bombo Radyo kay Police Lt. Col Joem Malong, iya ginapahayag nga kuntani magreport na sa RPHAU ang nasambit nga pulis.
Suno kay Malong, kun indi ini makareport magapadala sila sang sulat sa Moises Padillla Police Station lakip na sa residence sang nasambit nga police.
Sa tion nga maglapaw naman sa 30 days nga wala sa gihapon nakareport si Silao,pagakabigon ini nga Absence without leave kag isa man sa dismissable nga offense.
Mahimo man machallenge ni Silao suno sa natungdan ang resulta sang iligal nga droga agud nga mangin klaro ang tanan kag kun wala siya nagagamit snag iligal nga droga, matinluan man ang iya ngalan.
