ILOILO CITY – Kapin sa 20 ang nadakpan nga nagalapas sa Anti Modified Muffler Ordinance sa syudad sang Iloilo.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga santo sa record as of November 2, 2019, naglab-ot na sa 18 ang nadakpan nga nagalapas sa nasambit nga ordinansa.
Magluwas sa Anti Modified Muffler Ordinance, madamu man ang nadakpan nga nagalapas sa No Helmet Policy.
Santo sa record suno kay Conlu, naglab-ot na sa 27 ang nadakpan nga violators.
Nahibalu-an nga indi dapat maglapaw sa 115 per decibel ang kagahudon sang muffler sang isa ka motorsiklo.
P1,000 ang multa sa 1st offense, P3,000 sa 2nd offense samtang P5,000 kag kumpiskaron ang muffler sa ika tatlo nga offense.
