ILOILO – Naglab-ot sa P3.29 billion ang proposed budget sa general fund kag P1.60 billion sa Local Economic Enterprise fund para sa probinsya sang Iloilo sa masunod nga tuig.
Ini ang pagahambalan sa budget hearing sa masunod nga semana.
Sa interview sang Bombo Radyo kay Board Member Domingo Oso Jr., iya ginpahayag nga ila ini pagatun-an kag pagasundon sang maid-id ang 90-day period.
Suno kay Oso, dapat sundon ang guidelines sang Commission on Audit (COA) sa diin dapat palareho ang distribution kag may proper presentation ang development fund sa kada distrito.
Nagalaum si Oso nga subong nga tuig, mangin “specific and identifiable” na ang development fund.
Ini agud malikawan ang budget delay nga natabo man sang nagligad nga tuig, kag amo ang nangin kabangdanan kon ngaa napaslawan ang probinsya nga liwat makaangkon sang Seal of Good Local Governance (SGLG).
