ILOILO CITY – Ginpabugal ni Iloilo City Mayor Jerry Treñas ang manami nga epekto sang beautification program.
Ini matapos nga nagpamulak na ang gintanom nga sunflowers, apat na ka bulan na ang nakaligad.
Sa interview sang Bombo Radyo kay Treñas, iya ginhingyo sa publiko nga padayunon ang pagtanom sang kahoy kag bulak agud mas mapanami pa ang palibot.
Partikular nga gintumod ni Treñas amo ang sa bahin sang Diversion Road sa distrito sang Mandurriao.
Samtang, ginkadismaya naman sang alkalde ang mga pumuluyo nga nagapanggabot sang bulak sa plaza sang Molo.
Suno kay Treñas, may yara gid sang mga tawo nga nagapanghalit apisar sang pagpanikasog sang gobyerno nga patahumon ang syudad.
Nahibaluan nga apat ka klase sang tanom ang ginhungod nga gub-on sa lugar.
