ILOILO – Ginahitso sang Iloilo Provincial Government ang financial assistance nga ihatag sa North Cotabato, Mindanao bilang bulig sa mga biktima sang linog.
Sa interview sang Bombo Radyo kay Provincial Administrator Atty Suzette Mamon, iya ginpahayag nga ang financial assistance ang depende pa sa assessment sang Provincial Risk Reduction and Management Office.
Pagkatapos, suno kay Mamon, ipa-approve pa sa Sangguniang Panlalawigan ang budget.
Ini ang istoryahan subong nga Hwebes, kon may yara na sang resolution nga nahimo ang Provincial Risk Reduction and Management Office bilang pagtuman sa mga kondisyones para sa nagakaigu nga disbursement of funds.
Ginpahayag ni Mamon nga indi pa matumod sa karon kon pila ang kwarta nga pwede mahatag sang probinsya.
Paga-istoryahana man ang pagpahulag sa mga Local Government Unit, pribado nga sektor, kag iban pa gid nga ahensiya sa probinsya kon ano pa gid ang pwede maabot nga bulig magluwas sa cash.
