GUIMARAS– Madamo sang mga natukiban mga problema kadungan sang ginpatigayon nga Simulation Exercise on the Application of Maritime Industry Authority (MARINA) Advisory No. 2019-22 Series of 2019.
Sa interview sang Bombo Radyo kay Capt. Neri Tejing, presidente sang Buenavista Motorbanca Operators Association Incorporated, iya ginpahayag nga sa ginpatigayon nga aktibidad, nagsubsob ang tanan nga mga pump boat.
Suno kay Tejing, ginsunod nila ang memorandum nga ginpagwa ni MARINA Administrator Vice Admiral Narciso A. Vingson Jr sa diin dapat ang mga pasahero ang magasakay lang sa atubang nga bahin sang pump boat.
Tungod sini, nag alsa ang timon kag propeller sang pumpboat nga naga-apekto sang daku sa ila paglayag.
Ginpahayag ni Tejing nga santo sa assessment sang mga kapitan sang pumpboat, nagakalabasa ang mga pasahero sa tion mga may daku nga balod.
Posible man suno sa natungdan nga maglugdang ang pumpboat bangud mas mabug-at ang nauna nga bahin sini kun ipaanggid sa likod sa diin nahamtang ang makina nga ginbakantehan sang pulungkuan.
