ILOILO CITY- May inugbakal na sang maintenance sa iya diabetes ang isa sa mapalaron nga daily draw winners sang 1-2 Panalo part 18 promo.
Sa interview sang Bombo Radyo kay Nonito Muyco,sang Bangga Panot, San Juan, Molo, Iloilo City , iya ginpahayag nga first time niya nga magdaug sa promo sang Bombo gani amo nalang ang iya kalangkag sa pagclaim sang iya premyo.
Wala na nag-usik sang tiempo si Muyco kag bisan pa nga gaulan, nagdali-dali gid ini sa pagpadulong sa estasyon sang Bombo Radyo agud i-claim ang iya premyo nga 1000 pesos nga ginalakipan sang 500 cash kag 500 nga balor sang gift pack.
Gin-agda man ni Muyco ang mga tagpalamati nga magpasakop man agud makadaug man sang papremyo kaangay niya.
