ILOILO CITY – Nagdangat sa P30,000 ang balor sang mga naupos nga propyedad sa sunog nga nagluntad sa Brgy. Punong, Lapuz, Iloilo City subong nga aga, Nobyembre 29.
Ang natupok nga balay ang ginapanag-iyahan nanday Merly Aragon kag anak sini nga si Ruth Aragon Magarse.
Samtang, ang ‘partially burned’ naman ang ginapanag-iyahan nanday Ben Gabriel, Donald Villaceran, kag Manvel Flores.
Sa interview sang Bombo Radyo kay Senior Fire Officer 2 Edison Gimoteo, chief arson investigator sang Bureau of Fire Protection (BFP) Iloilo City, iya ginpahayag nga nakabaton sila sang tawag ‘las 4:15 sang kaagahon kag natigayon nga mapalong ang kalayo ‘las 4:30 sang kaagahon.
Suno kay Gimoteo, sa subong, padayon pa nila nga ginahibalo kag ginapadalman kun ano ang matuod nga rason sang sunog.
Ini sa pihak sang nabaton nga impormasyon halin sa mga kasilingan sang mga biktima nga ginhungod ni Magarse nga sunugon ang ila balay.
Si Magarse ang ginapahayag ‘may deperensya sa panghuna-huna.’
