ILOILO CITY – Nagapangabay si Iloilo City Mayor Jerry Treñas sa mga barangay sa syudad sang Iloilo nga siguraduhon nga mahawan na gikan sa mga obstruction ang mga dalanon sa ila lugar.
Ini bangud nga nagapatigayon sang verification clearing operations ang Department of Interior and Local Government (DILG) kaupod ang Philippine National Police (PNP).
Sa interview sang Bombo Radyo kay Treñas, iya ginpahayag nga sa tion nga makita nga may yara pa sang mga obstruction sa mga barangay sa nasambit nga verification, hibaluon sang team kun ano ang natabo kag magapangatubang man ang mga non-compliant barangays sang mga sanctions bangud nga ipasa ang report sa DILG national office.
Pagahatagan man suno sa alkalde sang atensyon ang city proper area bilang pagpanghanda sa patigayunon nga Dinagyang 2020.
Dugang pa sang alkalde, nagpapanaog man sang bag-o nga memorandum ang nasambit nga ahensya nga dapat makuha na ang tanan nga mga obstruction sa pito ka mga distrito sang syudad sang iloilo sa sulod sang 75 ka adlaw.
