ILOILO CITY – Wala na sang extension ang pag-gawad kag pag-renew sang business permits gikan sa Iloilo City Business Permits and Licensing Office (BPLO).
Sa interview sang Bombo Radyo kay BPLO Head Mr. Norman Tabud, iya ginpahayag nga kahapon, Enero 20, ang natalana nga deadline kag santo sa mandu ni Mayor Jerry Treñas, wala na sang patigayunon nga extension.
Sa tion suno kay Tabud nga may business owner nga wala sa gihapon nakahingagaw proseso kag wala pa nakakuha sang numero, magabaton na ini sang multa.
Suno pa kay Tabud, nagalaum siya nga ang tanan nga magapadulong sa ila pamunuan subong nga adlaw ang magabayad na lang agud nga mahatag na ang nagakaigu kag renewed business permit.
Sa subong, may yara na sang kapin 14,000 ka business owners ang nakapa-compute, 11,000 na ang nakabayad, kag sa sini nga numero, kapin 8,000 na ang na-printahan sang business permit.
