ILOILO CITY – Nangin star-studded ang ginpatigayon nga coronation sang Miss Iloilo 2020 nga ginpatigayon subong nga gab-i sa West Visayas State University cultural center.
Nagserbe nga co-host ang TV host nga si Robi Dominggo samtang pila lamang sa nalakip sa set of judges si Architect Richelle Louise Singson-Michael, anak ni Narvacan, Ilocos Sur Mayor Chavit Singson, Miss Universe 2011 3rd runner-up kag national director sang Miss Universe Philippines Organization Shamcey Supsup-Lee nga amo ang chief judge, Binibining Pilipinas 2018 1st runner-up Vickie Rushton kag Binibining Pilipinas Executive Committee Member, pageant mentor, director/fashion designer nga si Raymund Villanueva.
Pila lamang sa mga kilala nga personalidad nga nagsaksi sa coronation night amo si Narvacan, Ilocos Sur Mayor Chavit Singson, businessman nga si Lloyd Lee nga bana Miss Universe 2011 3rd runner-up Shamcey Supsup-Lee kag Father of Modern Hablon nga si Nono Palmos.
Ang nasambit nga kahiwatan ang nag-umpisa 6:00 sang kasisidmon sa pagpanguna sang Iloilo Festivals Foundation Incorporated paagi sa Presidente nga si Atty. Joebert Peñaflorida.
Magluwas diri, yara man ang mga opisyal sang Iloilo City Government sa pagpanguna ni Mayor Jerry Treñas.
Napuno sang tumalan-aw ang cultural center kag may yara man sang ginpahamtang nga LED screen sa guwa para sa mga wala nakasulod sa venue.
Ang nasambit nga kahiwatan ang libre para sa tanan.
