ILOILO CITY – Tuman ang pagdayaw sang isa sa mga finalist sang The 3rd National Bombo Music Festival 2020 sa ginpatigayon nga Battle of the Bands sang Bombo Radyo kag Star FM sa Dinagyang Festival 2020: Free Concert, Free T-Shirt sa Plaza Mayor sang Plazuela de Iloilo.
Sa interview sang Bombo Radyo kay Lyndie Catequista, composer kag interpreter sang ambahanon nga “Break”, iya ginpahayag nga isa ka maayo nga paagi ang Battle of the Bands agud nga itib-ong ang local talents.
Suno kay Catequista, iya ginakalipay bangud nga kalabanan sa mga nagpakigbahin amo ang mga pamatanon.
Ginpahayag ni Catequista nga sa baylo nga magbisyo kag maghimo sang malain, mas maayo nga ituon na lang sang mga pamatan-on ang ila tion sa musika.
Nahibalu-an nga si Catequista ang naghatag sang special performance sa Battle of the Bands sang Bombo Radyo at Star FM sa Dinagyang Festival 2020: Free Concert, Free T-Shirt.
