ILOILO CITY – Movement wise kag energetic ang warriors sang labing una nga competing tribe nga Tribu Panayanon sang Iloilo City National High school.
Suno sa director kag choreographer nga si Novy Bereber, mapagsik ang pagsaot sang mga warrior sang Tribu Panayanon nga isa ka maayo nga panugod sa kompetisyon.
Magluwas diri, gindayaw man ni Bereber ang maayo nga music kag ang nagasanto nga props nga gingamit sa konsepto nga nagsentro sa pagsalig kay Sr. Sto. Niño apang mas makapaayo kun tani kun ang costume sang mga warrior ang maduagon kag wala na kun tani ginbutangan sang sequence bilang disenyo ang indi makabig nga tradisyonal.
Sa pihak sini, 8 ang score nga ginhatag ni Bereber sa Tribu Panayanon.
Samtang, 7 naman ang score nga ginhatag sang cultural works specialist nga si Joseph William Albania para sa Tribu Panayanon.
Sa pagpaathag ni Albania, mapagsik ang pagsaot sang mga warrior rason nga napakita ang mensahe nga luyag ipahibalo sa mga tumalan-aw.
Ginpaboran ni Albania ang komento ni Bereber nga mas maayo kun tani nga naggamit sang colorful costume ang tribu agud nga mas manami lantawon.
