ILOILO CITY – Lunsay 5 ang ginhatag nga score sang Bombo Guest Commentators sa nangin performance sang ika-duha nga competing tribe nga Tribu Baybayanon kun sa diin nagsentro sa paghirupay kag pagtuo kay Sr. Sto. Niño ang ila performance.
Sa over-all performance sang Tribu Baybayanon sang Melchor Nava National High School, ginpahayag sang director kag choreoprapher nga si Novy Bereber nga maayo ang nangin performance sang mga warrior apang kulang sa pagpanghanda kun costume kag props ang pagahambalan.
Suno kay Bereber, nakaapekto sa over-all performance sang tribu ang gintipid nga pondo para sa costume, props kag ang music nga gingamit ang kasubong nga wala sang element of surprise.
Ginpahayag naman sang Cultural Works Specialist nga si Joseph William Albania nga nakulangan siya sa underwater concept sang tribu.
Suno kay Albania, may yara pa sang dapat nga bag-uhon ang Tribu Baybayanon agud nga mas mapanami pa gid ang ila performance.
